Connect with us

موسیقی

دلبر دلبر کا 4 زبانوں میں سشمیتا سے نورا فتیحی تک کا سفر

1999 میں فلم صرف تم کی سشمیتا سین سے 2018 نورا فتیحی کی دلفریب ادکاری تک دلبر دلبر 4 زبانوں میں گایا اور فلمایا گیا ہے۔

شائع کر دی گئی

on

1999 میں بننے والی رومانوی فلم "صرف” خود بھی بہت زیادہ مقبول رہی، جبکہ اس کا ایک گانا "دلبر دلبر” بھی اتنا مقبول ہو گیا کہ آج تک اس کو شوق سے سنا جاتا ہے۔

پچھلے سال ریلیز ہونے والی جان ابراہم کی فلم ’ستیا میوا جیاتے‘ میں اس گانے کا ریمیک آ گیا جو شائقین میں بہت سراہا گیا۔ اس گانے میں ایک مراکشی اداکارہ نورا فتیحی کو پرکشش ادائیں دکھاتی ہوئی دکھایا گیا ہے۔

سنجے کپور اور سشمیتا سین پر فلمایا گیا "دلبر دلبر” گانا 1999 سے موسیقی اور بالی ووڈ کے شائقین میں آج تک مقبول ہے۔ اس وقت بالی ووڈ کی ہردلعزیز گلوکارہ الکا یاگنک نے دلبر دلبر گایا، ندیم شرون نے کمپوز کیا تھا اور سمیر نے لکھا تھا۔

دلبر دلبر — 1999ء

یہ گانا لوگ آج تک پسند کرتے اور سنتے چلے آ رہے ہیں۔ تا ہم اسی پرانے ورژن کو اس وقت اور زیادہ لوگوں نے سننا شروع کیا جب 2018ء میں فلم ’ستیا میوا جیاتے‘ میں 27 سالہ خوبرو مراکشی اداکارہ نورا فتیحی اسی گانے کے ریمیک میں جلوہ گر ہوئی۔

دلبر دلبر — 2018ء

20 سال بعد اس بار دلبر دلبر کے ریمیک کو تنیش بگچی نے کمپوز کیا، اِکا سنگھ اور شبیر احمد نے لکھا جبکہ دلکش آواز کے نیہا ککر، دھوانی بھانوشالی اور اِکا سنگھ نے گایا۔ نورا فتیحی کی دلفریب اداؤں کے ساتھ دلبر دلبر کے اس ریمیک نے بہت شہرت حاصل کی۔ اس کے ساتھ ساتھ اکا سنگھ کی بہترین کمپوزیشن نے اس گانے کو شہرت کی بلندیوں تک پہنچایا۔ اکا سنگھ نے موسیقی میں عود کے ساتھ وسطی ایشیائی سٹرنگ اور عربی ڈرمز کا استعمال کیا۔ ہیڈ فونز لگا کر اس گانے کو سننے سے اکا سنگھ کی قابلیت کا بخوبی اندازہ ہوتا ہے۔

بہترین اداکاری کے ساتھ ساتھ دلبر دلبر کے ریمیک میں بہترین ہدایتکاری اور بھوشن کمار کی باصلاحیت پروڈکشن نظر آتی ہیں۔

نورا فتیحی دلبر دلبر میں اپنی کارکردگی کے بارے میں بتاتے ہوئے کہتی ہے: "یہ مراکش اور ہندوستان دونوں کے لئے بڑا سودا ہے کیونکہ یہ پہلی بار ہے جب ہم ہندوستانی ثقافت اور مراقشی ثقافت کو آرٹسٹکسٹ اور موسیقی کے ساتھ ملا کر پیش کریں گے انہیں ساتھ لانا میرا ہدف بھی رہا ہے.”

دلبر دلبر کے اس نئے ریمیک کے لئے نورا فتیحی کا لباس سونے کے سکوں سے بنایا گیا ہے، بجکہ ان کو چھ افراد پر مبنی ٹیم نے پانچ گھنٹوں میں تیار کیا ہے۔ نورا فتیحی کی شاندار پرفارمنس کی وجہ سے ’دلبر دلبر‘ کے ریمیک گانے کو محض 24 گھنٹوں میں 11 کروڑ سے زائد بار دیکھا گیا تھا اور اب تک اس گانے کو 22 کروڑ سے زائد بار دیکھا جا چکا ہے۔

بات یہاں پر ختم نہیں ہوئی، دلبر دلبر کی مقبولیت کے ساتھ ساتھ نورا کی شہرت بھی دنیا بھر میں پھیل گئی۔ اب اس کے عربی ورژن پر کام کیا گیا۔

دلبر دلبر — عربی (2018)

اس بار دلبر دلبر کے عربی ورژن کو تین زبانوں میں گایا گیا ہے۔ جبکہ "عربی دلبر دلبر” کی خاص بات یہ بھی ہے کہ اس میں فنائر (Fnaire) کے ساتھ نورا نے خود گایا ہے۔ اس ورژن کو بھی بھوشن کمار کو پروڈیوس کیا ہے۔

عربی ورژن نے مشرق وسطیٰ میں تو کافی مقبولیت حاصل کی۔ لیکن ہندوستان اور پاکستان سمیت دنیا بھر میں عربی دلبر کو خوب شہرت حاصل ہے۔ یہ گانا عربی کے ساتھ ساتھ اردو/ہندی، انگریزی اور فرانسیسی زبانوں میں گایا گیا ہے۔

Continue Reading
Advertisement
تبصرے

Facebook

Advertisement